काठमाडौँ । नेपालमा थप ३३८ जनामा कोरोना संक्रमण पुष्टि भएको छ । योसँगै नेपालमा कूल संक्रमितको संख्या २३ हजार ३१० पुगेको छ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा आठ हजार ४३२ जनाको पिसीआर परीक्षण गरिएकोमा ३३८ मा कोरोना संक्रमण पुष्टि भएको हो ।
मन्त्रालयको नियमित पत्रकार सम्मेलनमा दिइएको जानकारीअनुसार पछिल्लो २४ घण्टानमा कोरोना संक्रमणमुक्त भएर १४० जना घर फर्किएका छन् ।
हालसम्म कोरोना भाइरस संक्रमणमुक्त भई घर फर्किनेको संख्या १६ हजार ४९३ रहेको छ । मुलुकभर क्वारेन्टिनमा १० हजार ७५९ जना रहेका छन् ।
मन्त्रालयका प्रवक्ता डा जागेश्वर गौतमका अनुसार आज मुलुकभर ६ हजार ७३८ कोरोनाका सक्रिय संक्रमति रहेका छन् । नेपालमा थप चार जनाको कोरोना संक्रमणबाट मृत्यु भएको छ । योसँगै हालसम्म कोरोनाबाट मृत्यु हुनेको संख्या ७९ पुगेको छ ।
वि.सं.२०७७ साउन २६ सोमवार १६:२१ मा प्रकाशित