काठमाडौं । मंगलवार नेप्से कारोबार भएको पहिलो घण्टामा ४ दशमलव १४ अंकले बढेको छ । १ हजार ४३३ दशमलव ३६ विन्दुबाट शुरु भएको नेप्से कारोबारको यस अवधिमा शून्य दशमलव २९ प्रतिशत बढेर १ हजार ४३४ दशमलव ५५ विन्दुमा पुगेको छ ।
यस अवधिसम्म कारोबारमा आएका १२ समूहको परिसूचकमध्ये व्यापार, होटल्स, जलविद्युत, लघुवित्त र म्युचुअल फण्ड समूहको परिसूचक घटेको छ भने बाँकी ७ समूहको परिसूचक बढ्दा समग्र नेप्से बढेको हो ।
पहिलो घण्टाको अवधिमा १७२ ओटा कम्पनीको रू. ३२ करोड ९० लाख बराबरको शेयर खरीद विक्री भएको छ ।
यस अवधिसम्म नेपाल पुनर्बीमा कम्पनीको सर्वाधिक कारोबार भएको छ । उक्त कम्पनीको रू. ३ करोड ६४ लाख बराबरको शेयर कारोबार भएको छ । सो अवधिसम्म कम्पनीको शेयरमूल्य रू. ५९७ मा कारोबार भइरहेको छ ।
कारोबार रकमकै आधारमा सर्वाधिक कारोबार हुने दोस्रो कम्पनीमा अजोड इन्स्योरेन्स रहेको छ । उक्त कम्पनीको प्रतिकित्ता रू. ५५४ मा रू. २ करोड ४१ लाख बराबरको शेयर खरीद विक्री भएको छ ।
वि.सं.२०७७ साउन २७ मंगलवार १२:०४ मा प्रकाशित