काठमाडौं । स्वतन्त्र उर्जा उत्पादकहरुको संस्था नेपाल (ईपान) मा सर्बसम्मत ढंगले नेत्तृत्व चयन हुने भएको छ । ईपानका अगुवाहरुको लामो कसरतपछि यस्तो बाताबरण तयार भएको हो ।
यसका लागि ईपानका अध्यक्ष शैलेन्द्र गुरागाई, कुशकुमार जोशी, ज्ञानेन्द्रलाल प्रधान, डा. सुबर्णराज श्रेष्ठ, खड्ग बिष्ट, धु्रब उपे्रती, केशब रायामाझीलगायत अगुवाहरुले सर्बसम्मतका लागि कसरत गरेका थिए ।
निर्वाचनको माध्यमबाट नेत्तृत्व चयन गर्दा ब्यबसायी बिभाजित हुने र यसले बिबाद सिर्जना भई संस्था कमजोर हुने भन्दै सर्बसम्मतको लागि अगुवाहरुले प्रयास थालेका थिए ।यसलाई निर्बाचनमा उत्रेका दुबै समूहले मनन गरी सर्बसम्मतका लागि सहमति जनाएका थिए । सम्भबतः आज नेत्तृत्व घोषणा हुने छ ।
स्रोतका अनुसार अध्यक्षमा प्रतिष्ठित व्यबसायी कृष्णप्रसाद आचार्य चयन हुनेछन् । उपाध्यक्षमा आशिष गर्ग, गणेश कार्की, बलराम खतिवडा र महासचिबमा भरत खत्रीमा सहमति भएको छ ।
सचिबहरुमा गोरे शेर्पा, राम आचार्य र मोहन डाँगीमा सहमति जुटेको छ भने कोषाध्यक्षमा उत्तम ब्लोन लामा चयन हुने भएका छन् । सदस्यहरुमा प्रकाश दुलाल, भरत लामिछाने थापा, नरेन्द्रबल्लभ पन्त, भरत खड्का हुने भएका छन्।
एशोसियट सदस्यमा बिक्रम बिष्ट र दुई महिला सदस्यहरुमा अभिज्ञा मल्ल र कबिता पोखरेलको नाममा सहमति जुटेको स्रोतले जानकारी दिएको छ । गर्ग, कार्की, डाँगी, आचार्य, पन्त र खड्का अध्यक्ष आचार्य प्यानलबाट प्रतिश्पर्धामा उत्रिएका थिए । बाँकी अर्को समूहका हुन ।
वि.सं.२०७७ साउन २७ मंगलवार १५:३० मा प्रकाशित