काठमाडौं । कोरोना संक्रमणबाट थप ६ जनाको मृत्यु भएको छ । योसँगै कोरोना संक्रमणबाट मुलुकभर ज्यान गुमाउनेको संख्या ८९ पुगेको छ । ललितपुरमा तीन, मोरङ, रुपन्देही र सप्तरीमा एक एक गरी ६ जनाको गएराति ज्यान गएको हो ।
ललितपुरको पाटन अस्पताल, किस्ट अस्पताल र मेडिसिटी अस्पतालमा उपचार गराइरहेका एक–एक जनाको ज्यान गएको जिल्ला स्वास्थ्य कार्यालय प्रमुख डाक्टर खगेश्वर गेलालले जानकारी दिनुभयो ।
वि.सं.२०७७ साउन २८ बुधवार १३:१३ मा प्रकाशित
