काठमाडौं । सिटिजन्स बैंकले गत आर्थिक वर्षमा १ अर्ब ११ करोड ६० लाख रुपैयाँ खुदनाफा आर्जन गरेको छ । अघिल्लो आर्थिक र्वामा बैंकले १ अर्ब ४६ करोड रुपैयाँ नाफा गरेको थियो ।
बैंकले बिहीबार सार्जजनिक गरेको वित्तीय विवरणमा अघिल्लो वर्षको तुलनामा गत वर्ष नाफा २३.७२ प्रशित घटेको छ । कोभिड १९ का कारण ब्याज आम्दानी र अन्य आयमा कमी भएपछि नाफा अघिल्लो आवको सोही अवधीको तुलनामा घटेको उल्लेख गरेको छ ।
बैंकको खुद ब्याज आम्दानी २ अर्ब ८८ करोड रुपैयाँ छ । अघिल्लो वर्षको सोही अवधिमा २ अर्ब ६८ करोड रुपैयाँ थियो ।बैंकले सेयरधनीहरुलाई वितरण गर्न सक्ने नाफा ८२ करोड ३९ लाख रुपैयाँ छ । बैंकको जगेडा कोषमा ३ अर्ब ३९ करोड रुपैया संचित रहेको छ ।
बैंकको निष्क्रिय कर्जा १.४६ प्रतिशत रहेको छ । अघिल्लो आवमा १.१३ प्रतिशत रहेको थियो । बैंकको प्रतिसेयर आम्दानी १२.९२ रुपैयाँ रहेको छ ।
वि.सं.२०७७ साउन २९ बिहीवार १४:५९ मा प्रकाशित