काठमाडौं । एनआईसि एशिया लघुवित्त वित्तीय संस्था र स्वदेशी लघुवित्त वित्तीय संस्थाले एक आपसमा मर्जरमा जाने समझादारी पत्रमा हस्ताक्षर गरेका छन् ।
यी दुई कम्पनीको साउन ३२ गते बसेको सञ्चालक समितिको निर्णय अनुसार एक आपसमा मर्जरमा जाने प्रारम्भिक समझदारी पत्रमा हस्ताक्षर भएको हो ।
एक आपसमा मर्जरमा जाने सम्झौता गरेसँगै दुबै कम्पनीको शेयर कारोबार मर्जर प्रक्रिया पुरा नहुन्जेलसम्मका लागि नेप्सेमा शेयर कारोबार रोक्का भएको छ ।
एनआईसि एशिया लघुवित्तले केही समय अगाडि मात्र आईपीओ निष्कासन गरेको थियो । एनआईसि एशिया लघुवित्तको चुक्तापूँजी रू. १ अर्ब ४८ करोड र स्वदेशी लघुवित्तको चुक्तापूँजी रू. २७ करोड ६० लाख रहेको छ । दुई कम्पनी मर्जर पश्चात बन्ने कम्पनीको पूँजी रू.१ अर्ब ७५ करोड पुग्नेछ ।
गत आवको चौथो त्रैमासमा एनआईसि एशिया लघुवित्त वित्तीय संस्थाको नाफा ७८ प्रतिशत वृद्धि भएको छ । अघिल्लो आवको चौथो त्रैमासमा कम्पनीले रू. ११ करोड ३ लाख नाफा कमाएकोमा गत आवको सोही अवधिमा वृद्धि भएर रू. १९ करोड ६४ लाख पुगेको हो ।
वि.सं.२०७७ साउन ३२ आइतवार ११:०९ मा प्रकाशित