मुगु । बिकट हिमाली जिल्ला मुगुलाई कोरोनाभाइरसबाट बचाउनको लागि ‘सेमि लकडाउन’ गरिने भएको छ । शनिबार जिल्ला प्रशासन कार्यालयमा बसेको बैठकले भदौ १ गतेदेखि १४ गतेसम्म ‘सेमि लकडाउन’ गर्ने नियर्ण गरेको हो ।
छिमेकी जिल्लाहरुमा कोरोना संक्रमितको संख्या बढदै गएकाले मुगुबासीलाई कोरोना संक्रमणबाट बचाउन ‘सेमि लकडाउन’ गर्ने नियर्ण गरेको प्रमुख जिल्ला अधिकारी एवं जिल्ला संकट व्यवस्थापन केन्द्रका अध्यक्ष कृष्ण कुमार निरौलाले जानकारी दिनुभयो ।
बाहिर जिल्लाहरुबाट स्थानीय तथा अन्य व्यक्तिहरु भित्रिने भएकोले समुदायसम्म कोरोना नफैलियोस र समयमै संक्रमित पत्ता लागोस् भनेर ‘सेमि लकडाउन’ गरेको निरौलाले जानकारी दिनुभयो । ‘सेमि लकडाउन’मा अत्यावश्यक सेवा बाहेक सबै सेवा बन्द हुने बताइएको छ ।
वि.सं.२०७७ साउन ३२ आइतवार ११:१४ मा प्रकाशित
