काठमाडौं । भाारतीय चर्चित गाडी उत्पादक कम्पनी टाटा मोटर्सले आगामी ८ महिना भित्र ५ नयाँ मोडलका कार बजारमा ल्याउने भएको छ ।
एकपछि अर्को नयाँ मोडल बजारमा ल्याइरहेको कम्पनीले हेग्जा सफारी एडिसन, ग्राभिटास, एचबीएक्स, अल्ट्रोज इभी र ह्यारीयर (नेपालमा नाम एच५) पेट्रोलमा बजारमा ल्याउने भएको हो ।
हेग्जा सफारी 
– यो कार अटो एक्स्पो २०२० मा शोकेस गरेको थियो । चाँडै बजारमा ल्याउने क्रममा रहेको छ ।
– यो कारमा २.२ लिटर भिक्टर ४०० इन्जिन उपलब्ध रहने छ ।
– उक्त इन्जिनले अधिकतम १५६ पीएस पावर र ४०० एनएम टर्क प्रदान गर्ने छ ।
– यसमा ७ इन्चको इफोटेन्टमेन्ट सिस्टम, १० स्पीकर, क्रुज कन्ट्रोल र रियर पार्किङ क्यामेरा जस्ता फिचर उपलब्ध रहने छ ।
ग्राभिटास 
– यो पनि २०२० अटो एक्स्पोमा शो गरिएको थियो ।
– यसलाई ह्यारीयर (नेपालमा एच ५) कै ७ सिटर भर्सनको रुपमा लिइएको छ ।
– यसमा २।० लिटर डिजेल इन्जिन दिइएको छ । उक्त इन्जिनले अधिकतम १७० पीएस पावर र ३५० एनएम टर्क प्रदान गर्ने छ ।
एचबीएक्स
– यो पनि अटोएक्स्पो २०२० मा शोकेस गरेको कार हो ।
– यो कम्पनीकै सबैभन्दा सानो एसयूभी हुने छ ।
– यसको मूल्य टाटा नेक्सनभन्दा कम रहने छ ।
– यसमा कम्पनीले १.२ लिटर पेट्रोल इन्जिन दिने छ । उक्त इन्जिनले ८६ पीएस पावर र ११३ एनएम टर्क प्रदान गर्ने छ ।
– यसमा सबै किसिमका आधुनिक फिचर उपलब्ध रहने छ ।
अल्ट्रोज इभी
– यसले एक पटकको फुल चार्जमा ३०० किमि रेञ्ज प्रदान गर्ने छ ।
यो निकै प्रिमियम फिचरले भरिपूर्ण इलेक्ट्रीक कार हुने छ ।
ह्यारीयर (नेपालमा एच ५) एसयूभी 
– यो कार पेट्रोल भेरियन्टमा आउँदै छ र यसमा १.५ लिटर पेट्रोल इन्जिन दिइने छ ।
– यसले १५० पीएस पावर र २५० एनएम टर्क प्रदान गर्ने कम्पनीले जनाएको छ ।
– यसमा ६ स्पीड म्यानुयल र अटोमेटिक गियरबक्स रहने छ ।
वि.सं.२०७७ भदौ २ मंगलवार ०६:२५ मा प्रकाशित
