काठमाडौं । निष्कासन गरेको ३ दिनमा लिवर्टी इनर्जी कम्पनी लिमिटेडको प्राथमिक सेयर (आईपीओ) सबै बिक्री भएको छ । शुक्रबारसम्म आवेदकबाट ३४ करोड ८४ लाख ९४ हजार रुपैयाँ बराबरको ३४ लाख ८४ हजार ९४० कित्ता आईपीओ माग भएको निष्काशन तथा बिक्री प्रबन्ध एनआईबिएल एस क्यापिटल लिमिटेडले जनाएको छ ।
शुक्रबार दिउँसो २ बजेसम्ममा लिवर्टीको आईपीओमा १ लाख ३ हजारओटा आवेदन परेको छ । स्थानीयबासिन्दाको बिक्री नभएको समेत गरी लिवर्टीले ३५ लाख ६४ हजार ९३० कित्ता आईपीओ निष्काशन गरिरहेको छ । कम्पनीको सेयर निष्काशन भदौ ७ गते आइतबार बन्द हुँदै छ ।
मेरो शेयर सफ्ट्वेयरमा पछिल्लो २ दिनदेखि देखिएको समस्याका कारण कतिपय लगानीकर्ताले अहिले निष्काशन भईरहेका आईपीओमा आवेदन दिन सकिरहेका छैनन ।
वि.सं.२०७७ भदौ ६ शनिवार ०८:२१ मा प्रकाशित