काठमाडौँ । नेपालमा पछिल्लो २४ घण्टामा थप देशभर ६३४ जनामा कोरोना संक्रमण पुष्टि भएको छ । योसँगै कोरोना संक्रमितको संख्या ३१ हजार ११७ पुगेको छ ।
देशका विभिन्न प्रयोगशालामा विगत २४ घण्टामा १२ हजार ५ सय १९ जनाको पीसीआर परीक्षण गरिएको स्वास्थ्य तथा जनसंख्या मन्त्रालयको नियमित पत्रकार सम्मेलनमा मन्त्रालयका प्रवक्ता डा. जागेश्वर गौतमले जानकारी दिए । जसमा ६३४ जनामा संक्रमण पुष्टि भएको हो ।
हालसम्म १८ हजार ३५० जना कोरोनाबाट मुक्त भइ घर फर्किएको प्रवक्ता गौतमले बताए । पछिल्लो २४ घण्टामा १३६ जना सङ्क्रमित निको भएर घर फर्किएका छन् ।
हाल देशभर १२ हजार ६२१ जना सक्रिय सङक्रमित रहेका छन् । यस्तै ११ हजार ६५८ क्वारेन्टिनमा तथा १२ हजार ६२१ जना आइसोलेसनमा रहेका प्रवक्ता गौतमले बताए ।
कोरोनाले थप ९ जनाको मृत्यु भएको छ । सुनसरीमा ६ वर्षीया बालिका र ६७ वर्षीय पुरुष, पर्सामा ६१, ५८, ४८ वर्षीय पुरुष, बारामा ५८ वर्षीय पुरुष, सिराहामा ६८ वर्षीय पुरुष, मकवानपुरमा ५६ वर्षीय पुरुष र भक्तपुरमा ७३ वर्षीय पुरुषको मृत्यु भएको प्रवक्ता गौतमले बताए । यससँगै कोरोनाले मृत्यु हुनेको संख्या १४६ पुगेको छ ।
वि.सं.२०७७ भदौ ६ शनिवार १६:३९ मा प्रकाशित