काठमाडौं । उत्तर कोरियाका सर्वाेच्च नेता किम जङ उन फेरि गम्भीर बिरामी परेको खबर सार्वजनिक भएको छ।
उनी अहिले कोमामा रहेकाले उत्तर कोरियाको शासन सत्ता उनकी बहिनी किम यो जोङले सम्हाल्न थालेको दक्षिण कोरियाका पूर्वराष्ट्रपति किम डे जुङलाई उधृत गर्दै त्यहाँका सञ्चारमाध्यमले जनाएका छन्।
न्युयोर्क पोस्टका अनुसार पूर्वराष्ट्रपति किम डे जुङले दक्षिण कोरियाका सञ्चारमाध्यमसँग ‘मैले थाहा पाए अनुसार उनी (किम जोङ उन) कोमामा छन्’ भनेका छन्।
उनले जासुसमार्फत आफूले यो गोप्य कुरा थाहा पाएको दाबी गरेका छन्।यसअघि पनि अन्तर्राष्ट्रिय सञ्चारमाध्यममा किमको मृत्यु नै भएको खबर आएका थिए। तर पछि उनी सार्वजनिक भएका थिए।
वि.सं.२०७७ भदौ ८ सोमवार ०९:४० मा प्रकाशित