एजेन्सी । अमेरिकी चुनाव नजिकिँदै रहँदा राष्ट्रपति डोनाल्ड ट्रम्पलाई उनकै दिदीबाट गम्भीर आरोप लागेको छ । ट्रम्पकी दिदी तथा पूर्व संघीय न्यायधिश मेरियाने ट्रम्प केरीले गोप्य रुपमा रिकर्ड गरिएको एक अडियोमा उनका भाइको कुनै सिद्धान्त नभएको बताएकी छन् ।
डोनाल्ड ट्रम्पमाथि विश्वास गर्न नसकिने र उनले आफ्नो पुरै राष्ट्रपति कार्यकालका क्रममा झुठो बोलेको छ । योअडियो टेप बाहिर आएपछि चुनावी मौहालको अमेरिकाको राजनिति हलचल उत्पन्न गरेको छ ।
धोखाघडी गरेकोमा ट्रम्पको मेरियानेले कडा आलोचना गरेकी छन र प्रवासीलाई लिएर उनको निति निर्दयतापुर्ण रहेको बताएकी छन् । यसमा हजारौं बच्चा आफनो परिवारबाट अलग भएको र उनीहरुलाई हिरासत केन्द्रमा राखिएको थियो । उनले भने – डोनाल्ड ट्रम्प निर्दयी हुन् ।
ट्रम्पकी दिदीको यो गोप्य अडियो वासिंगटन पोस्ट अखबारले जारी गरेको हो । आफ्नो भाइको बौद्धिकतामाथि पनि प्रश्न उनले उठाएकी छन् ।
मेरियानेले अलग बसेकी आफ्नी भतिजी मेरी ट्रम्प मार्फत सन् २०१८ को यो सनसनी फैलाउने तथ्यको खुलासा गरेको हो, जसलाई उनले गोप्य तरिकाबाट रिकर्ड गरेकी थिइन् । त्यसपछि मेरीले ट्रम्प परिवारबाट आफ्नो मार्ग अलग गरेकी थिइन् ।
नोभेम्बरमा हुन गइरहेको राष्ट्रपति चुनावभन्दा अघि ट्रम्पकी दिदीको यस बयानले राजनितिक स्थिति तातेको छ । यसले ह्वाइट हाउसमा ट्रम्पको क्षमतालाई लिएर स्वयं उनका परिवार भित्रै विश्वास नभएको संदेश उत्पन्न भएको छ ।
यसअघि सम्म ट्रम्पका परिवारका कुनै पनि सदस्यले सार्वजनिक रुपमा राष्ट्रपति या उनको नितिलाई लिएर आलोचना गरेका थिएनन् । यो टेप यसतो समयमा जारी गरिएको छ, जसको एक दिन अघि मात्र डोनाल्ड ट्रम्पले ह्वाइट हाउसमा आफ्ना दिवंगत भाइको अन्तिम संस्कार कार्यक्रम आयोजना गरेका थिए । यस कार्यक्रममा मेरियानेकोे उपस्थित थिएन । यसले पनि दुईबीचको सम्बन्धमा धेरै आशंका उत्पन्न भएको छ ।
करिब १५ घन्टाको यस वार्तालाप सन् २०१८ देखि २०१९को बीचमा रिकर्ड गरिएको थियो । यसमा मेरियानेले डोनाल्ड ट्रम्प कुनै सिद्धान्त नभएको ब्यक्ती भएको आरोप लगाएकी छन् । उनले आफ्नो आधार बलियो पार्न मात्र राजनितिक कदम उठाइरहेको उनले बताएकी छन् ।
वि.सं.२०७७ भदौ ८ सोमवार १२:४५ मा प्रकाशित
