काठमाडौं । प्रसिद्ध भिडियो एप टिकटकका प्रमुख कार्यकारी अधिकृत (सीईओ) केभिन मायरले राजीनामा दिएका छन् । टिकटकको स्वामित्वबारे चिनियाँ कम्पनी बाइटडान्स र अमेरिकी सरकारबीच रस्साकस्सी चलिरहेका बेला केभिनले राजीनामा दिएका हुन् ।
ट्रम्प प्रशासनले टिकटकका चीनियाँ स्वामित्वकर्तामाथि एप बेच्न दबाव दिँदै आएको छ । टिकटकका कारण सुरक्षामा खतरा पैदा भएको अमेरिकाको तर्क छ ।
केही दिनअघि राष्ट्रपति डोनाल्ड ट्रम्पले ९० दिनभित्र अमेरिकी कम्पनीको स्वामित्वमा नआएमा टिकटकमाथि प्रतिबन्ध लगाउने धम्की दिएका थिए । ‘पछिल्ला केही सातायता राजनीतिक वातावरणमा द्रुत परिवर्तन देखिएको छ ।
पछिल्लो समय टिकटकको बिषयमा अन्तर्राष्ट्रिय स्तरमा ठूला उतारचढाव आएको थियो । टिकटक अमेरिकी प्रशासनको आदेश विरुद्ध अदालत समेत पुगिसकेको छ ।
वि.सं.२०७७ भदौ ११ बिहीवार १४:५१ मा प्रकाशित
