कोरोना अपडेट : नेपालमा एकैदिन थपिए १२ सय २१ जना नयाँ संक्रमित, हालसम्म कति पुगे ?
काठमाडौँ । नेपालमा आज थप १२ सय २१ जनामा कोरोना संक्रमण पुष्टि भएको छ । योसँगै नेपालमा कुल कोरोना संक्रमितको संख्या ३८ हजार ५६१ पुगेको छ ।
देशका विभिन्न प्रयोगशालामा विगत २४ घण्टामा १२ हजार ७१७ जनाको पिसीआर परीक्षण गरिएकोमा १२२१ जनामा संक्रमण पुष्टि भएको स्वास्थ्य तथा जनसंख्या मन्त्रालयको नियमित पत्रकार सम्मेलनमा मन्त्रालयका प्रवक्ता डा जागेश्वर गौतमले जानकारी दिए ।
हालसम २० हजार ८२२ जना कोरोनाबाट मुक्त भइ घर फर्किएको गौतमले बताए । पछिल्लो २४ घण्टामा २६७ जना संक्रमित निको भएर घर फर्किएका छन् । हाल देशभर १७ हजार ५१८ जना सक्रिय सङ्क्रमित रहेका छन् ।
देशभर हाल १७ हजार ५१८ जना आइसोलेशनमा रहेको मन्त्रलयले जनाएको छ । त्यस्तै देशभरका क्यारेन्टिनहरुमा हाल ७ हजार ७९७ जना रहेका छन् ।
२०७७ भदौ १४ गते १६:३२ मा प्रकाशित
Related posts
