काठमाडौँ । पछिल्लो २४ घण्टामा नेपालमा आज थप ८९९ जनामा कोरोना संक्रमण पुष्टि भएको छ । योसँगै नेपालमा कोरोना भाइरसबाट संक्रमितको संख्या ३९ हजार ४६० पुगेको छ ।
देशका विभिन्न प्रयोगशालामा विगत २४ घण्टामा ११ हजार १२९ जनाको पिसीआर परीक्षण गरिएकोमा ८९९ जनामा सङ्क्रमण पुष्टि भएको स्वास्थ्य तथा जनसंख्या मन्त्रालयको नियमित पत्रकार सम्मेलनमा मन्त्रालयका प्रवक्ता डा जागेश्वर गौतमले जानकारी दिए ।
हाल देशभर सक्रिय संक्रमितको संख्या १७ हजार ८२२ रहेको छ । आज देशभर सात हजार ३३७ जना क्वारेन्टिनमा छन् । पछिल्लो २४ घण्टामा थप ५८८ कोरोना जितेर घर फर्किएका छन् । हालसम्म कोरोना जितेर घर फर्किनेको सङ्ख्या २१ हजार ४१० पुगेको छ ।
त्यसैगरी नेपालमा कोरोनाका कारण आज थप ७ जनाको मृत्यु भएको छ । हालसम्म २२८ जनाको मृत्यु भएको मन्त्रालयले जनाएको छ ।
वि.सं.२०७७ भदौ १५ सोमवार १६:२२ मा प्रकाशित