ललितपुर । राष्ट्रिय सहकारी बैंक लिमिटेडले सञ्चालन गरेको गण्डकी प्रदेश स्तरीय २ दिने वार्षिक योजना तथा बजेट तर्जुमा तालिम बुधवार सम्पन्न भएको छ ।
बैंकको शिक्षा तथा तालिम विभागको आयोजना र गण्डकी प्रदेश अन्तरगतका शाखाहरुको समन्वयमा तालिम सञ्चालन गरिएको थियो । गण्डकी प्रदेशभरका सहकारी संघ संस्थाका प्रवन्धक तथा कर्मचारीहरुका लागि सञ्चालित २ दिने भर्चुअल तालिममा सहकारीहरुको वार्षिक योजना निर्माण र बजेट तर्जुमा विषयमा सहजीकरण गरिएको थियो ।
सहकारीलाई व्यवस्थित र प्रभावकारी रुपमा सञ्चालनका लागि वार्षिक योजना र योजना अनुसारको बजेट निर्माणका लागि सहयोग पु¥याउने उद्देश्यका साथ तालिम आयोजना गरिएको बैंकले जनाएको छ ।
बैंकको रणनीतिक योजना अनुसार बैंकमा आवद्ध सबै सदस्य संघ संस्थाहरुलाई आफ्ना सेवाहरुमा सहभागि गराउनका लागि पनि तालिम सहयोगी हुने जनाइएको छ ।
बैंकले वित्तीय सेवाका साथै शिक्षा तथा तालिम, स्तरीकरण, विद्युतीय भुक्तानी, योजना तथा बजेट निर्माणमा सहयोग लगायतका सेवाहरु दिदै आएको छ ।
तालिम समापनका क्रममा बोल्दै बैंकका सञ्चालक तथा गण्डकी प्रदेशका संयोजक रामबहादुर जिसीले सहकारीहरुलाई संस्थागत रुपमा सक्षम र सदस्य केन्द्रीत बनाउनका लागि वार्षिक योजना तथा बजेट निर्माण गर्ने तालिम प्रभावकारी हुने धारणा व्यक्त गर्नु भयो ।
उहाँले योजना बिना सहकारीहरुलाई व्यवसायिक रुपमा अगाडि बढाउन नसकिने भएकाले संस्थाको रणनीतिक योजना निर्माण गरी अगाडि बढ्न सुझाव समेत दिनुभयो । तालिममा बैंकका प्रशिक्षकहरु नवकुमार अधिकारी, सूर्य रिमाल र तालिम अधिकृत नारायण बेलवासेले ले सहजीकरण गर्नु भएको थियो ।
योजना तथा बजेट निर्माणका लागि आवश्यक पृष्ठभूमि, अघिल्लो वार्षिक योजनाको समिक्षा, वातावरण विश्लेषण, ध्येय, परिकल्पना, उद्देश्य तथा लक्ष्य, रणनीति निर्धारण, बजेट, वित्तीय संरचना र अनुगमन तथा मूल्यांकन लगायतका लागिमा सहजीकरण गरिएको तालिम विभागका अधिकृत मिना शर्माले जानकारी दिनुभयो । तालिममा गण्डकी प्रदेश अन्तरगत विभिन्न विषयका सहकारी संघ संस्थाका १ सय ८० जनाको सहभागिता रहेको थियो ।
वि.सं.२०७७ भदौ १७ बुधवार १८:२४ मा प्रकाशित