काठमाडौं । आज नेप्से कारोबार भएको दोस्रो घण्टामा ५ दशमलव ३८ अंकले घटेर १ हजार ४८२ दशमलव ४२ विन्दुमा पुगेको छ । कारोबार शुरु भएदेखि नै ओरालो लागेको बजार कारोबारको दोस्रो घण्टामा शून्य दशमलव ३६ प्रतिशत घटेको छ ।
दोस्रो घण्टाको अवधिमा १८१ ओटा कम्पनीको ९ हजार ९५७ पटकको कारोबारमा १६ लाख १० हजार २७८ कित्ता शेयरको रू. ६७ करोड ८५ लाख बराबरको शेयर खरीदविक्री भएको छ ।
यस अवधिसम्म नेपाल पुनर्बीमा कम्पनीको सर्वाधिक कारोबार भएको छ । उक्त कम्पनीको रू. १४ करोड १० लाख बराबरको शेयर कारोबार भएको छ । सो अवधिसम्म कम्पनीको शेयरमूल्य रू. ८४२ मा कारोबार भइरहेको छ ।
कारोबार रकमकै आधारमा सर्वाधिक कारोबार हुने दोस्रो कम्पनीमा नागरिक लगानी कोष रहेको छ । उक्त कम्पनीको प्रतिकित्ता रू. ३ हजार ३२४ मा रू. ३ करोड ९७ लाख बराबरको शेयरको खरीदविक्री भएको छ ।
वि.सं.२०७७ भदौ २३ मंगलवार १३:०२ मा प्रकाशित