काठमाडौं । नेपाल टेलिकमले २ सय रुपैयाँमा १० जीबी डाटा प्याक उपलब्ध गराउन शुरु गरेको छ । एनटिसीले कोरोना भाइरसको महामारीको समयमा घरभित्रै बसेर समय पास गर्न स्टे कनेक्टेड प्याक मार्फत सस्तोमा डाटा उपलब्ध गराएको जनाएको छ ।
सेवाग्राहीले २ सय रुपैयाँमै १० जीबी डेटा प्राप्त गर्न सक्नेछन् । दुई जीबी नियमित प्याकेजमा कम्पनीले आठ जीबी डेटा फोरजी नेटवर्कका लागि बोनस स्वरुप उपलब्ध गराएको छ ।
सात दिनसम्म प्रयोग गर्न सकिने यो प्याकेजको डेटा मध्ये आठ जीबी फोरजी नेटवर्कमा बोनसको रुपमा उपयोग गर्न सकिने र बाँकी दुई जीबी जुनसुकै नेटवर्कमा प्रयोग गर्न मिल्ने कम्पनीले जनाएको छ ।
त्यस्तै कम्पनीले सय रुपैयाँमै चार जीबी डेटाको अर्को प्याकेज समेत ल्याएको छ । जसमध्ये एक जीबी जुनसुकै नेटवर्कमा प्रयोग गर्न मिल्नेछ भने बोनस स्वरुप प्राप्त हुने तीन जीबी डेटा फोरजी नेटवर्कमा मात्र प्रयोग गर्न मिल्ने छ । यसरी प्राप्त चार जीबी डेटा पाँच दिनसम्म प्रयोग गर्न सकिनेछ ।
वि.सं.२०७७ भदौ २५ बिहीवार ०८:०८ मा प्रकाशित