वासिङटन । कोरोना भाइरसका कारण ‘वर्क फ्रम होम’ को संस्कार बढिरहेको छ । विशेषगरी आईटी कम्पनीहरुले आफ्ना कर्मचारीको सेवा घरबाटै लिइरहेका छन् ।
‘वर्क फ्रम होम’को अवधिमा कर्मचारीलाई अफिसको तुलनामा कामको दबाब बढिरहेको छ । यसैलाई मध्येनजर गर्दै प्रविधि कम्पनी गूगलले कर्मचारीका लागि ठूलो निर्णय लिएको छ ।
प्रविधि कम्पनी गूगलले आफ्ना कर्मचारीलाई सातामा तीन दिन बिदा दिने घोषणा गरेको छ । अब कर्मचारीले ४ दिन मात्रै काम गरे पुग्ने भएको छ । किनकी उनीहरुलाई ३ दिन बिदा दिने निर्णय गरेको छ ।
गूगलले विश्वभरीमा फैलिएका आफ्ना कर्मचारीलाई सातामा केवल ४ दिन काम गर्नका लागि भनेको छ । अब गूगलमा कार्यरत सबै कर्मचारीलाई शुक्रबारदेखि आइतबारसम्म बिदा दिईएको छ । उनीहरुले सोमबारदेखि बिहीबारसम्म काम गर्नुपर्नेछ ।
यसका लागि कम्पनीले आफ्ना कर्मचाारीलाई एक परिपत्र पठाएको छ । जसमा भनिएको छ, ‘वर्क फ्रम होम’का कारण कर्मचारीको कामको घन्टा बढेको छ । जसका कारण कर्मचारीले दबाब महशुश गरेका छन् ।
कम्पनीले प्रत्येक विभागका टोली नेतालाई आफ्नो टोलीलाई सपोर्ट गर्नका लागि भनेको छ । नयाँ व्यवस्था अनुसार प्रत्येक कर्मचारी कामप्रति जिम्मेवार हुन आग्रह गरिनुका साथै समय सीमा पनि तय गरिएको छ ।
यदी कुनै कर्मचारीलाई उनीहरुको ‘विकली अफ’ मा काम गर्नु छ भने उनीहरुले सोमबार बिदा पाउनेछन् । गूगलले कर्मचारीलाई २०२१ को जूलाईसम्म घरैबाट काम गर्नका लागि भनिसकेको छ । त्यसपछि मात्रै कम्पनीले यो विषयमा विचार गर्नेछ । गूगलको ४ दिने वर्किङ प्लानको सोशल मीडियामा व्यापक प्रशंसा भइरहेको छ ।-आजतक
वि.सं.२०७७ भदौ २५ बिहीवार १३:०८ मा प्रकाशित