एजेन्सी । कोरोना भाइरस नियन्त्रणका लागि इजरायलले फेरि लकडाउन लागू गर्ने भएको छ ।
यहुदी नयाँ वर्षदेखि इजरायलमा देशभर कडा लकडाउन लागू हुने लागेको हो । आउने शुक्रबारदेखि लागू हुने लकडाउन तीन हप्ताको हुनेछ ।
प्रधानमन्त्री बिन्यामिन नेतन्याहुले भनेका छन्, ‘हामीले महँगो मूल्य चुकाउनु पर्नेछ। तर, लकडाउनको विकल्प छैन।’
लकडाउनको विरोधमा त्यहाँका एक मन्त्रीले राजीनामा दिएका छन् र सत्ताधारी गठबन्धनबाट आफ्नो पार्टीको समर्थन फिर्ता लिने चेतावनी दिएका छन्।
इजरायलमा दैनिक ४ हजार नयाँ संक्रमित थपिइरहेका छन्। करिब ९० लाख जनसंख्या भएको इजरायलमा ११ सय ८ जना संक्रमितको मृत्यु भएको छ भने संक्रमितको संख्या १ लाख ५३ हजार छ। यसै हप्तादेखि त्यहाँ पुनः संक्रमण दर बढेको छ।
वि.सं.२०७७ भदौ २९ सोमवार ०७:२१ मा प्रकाशित
