काठमाडौं । नेपाल विद्युत प्राधिकरणको निमित्त कार्यकारी निर्देशकमा लेखनाथ कोइराला नियुक्त भएका छन् ।
कुलमान घिसिङ ४ वर्षे कार्यकाल पूरा गरी विद्युत प्राधिकरणको कार्यकारी निर्देशकबाट बाहिरिएसँगै सरकारले लेखनाथ कोइरालालाई निमित्त कार्यकारी निर्देशक बनाएको हो ।
प्राधिकरण सञ्चालक समितिका अध्यक्षसमेत रहेका ऊर्जा, जलस्रोत तथा सिंचाइमन्त्री वर्षमान पुनले सोमबार कोइरालालाई निमित्त कार्यकारी निर्देशकको जिम्मेवारी तोकेका हुन् ।
उनी वरिष्ठताका आधारमा निमित्त कार्यकारी निर्देशक तोकिएका हुन् । कोइराला यसअघि नेपाल विद्युत प्राधिकरणको उपकार्यकारी निर्देशकका रूपमा कार्यरत थिए ।
वि.सं.२०७७ भदौ ३० मंगलवार २१:०९ मा प्रकाशित