काठमाडौं । नेपाल इन्स्योरेन्स कम्पनी लिमिटेडले आफ्नो स्वामित्वमा रहेको नेपाल क्रेडिट एण्ड कमर्स (एनसीसी) बैंकको संस्थापक सेयर बिक्री खुला गरेको छ ।
कम्पनीको एनसीसीमा ५ लाख कित्ता संस्थापक रहेको छ । इन्स्योरेन्सले प्रतिकित्ता न्यूनतम मूल्य ११० रूपैयाँमा संस्थापक सेयर बिक्री गर्न लागेको हो ।
संस्थापक सेयर खरिदका लागि विद्यमान संस्थापकहरु वा जो कोही व्यक्ति, कम्पनी, संघ(संस्थाहरुले असोज २ गतेदेखि कात्तिक ६ गतेसम्ममा शिलबन्दी बोलपत्र पेश गर्न सक्ने छन्।
सेयर खरिदका लागि बोलकबोल गर्दा न्यूनतम १ हजार कित्ताका लागि आवेदन दिनुपर्ने छ । अधिकतम जति पनि सबै खरिद गर्न पाइनेछ ।निष्कासन तथा बिक्री प्रबन्धक एनआईबिएल एस क्यापिटल लिमिटेड रहेको छ ।
लाजिम्पाट, काठमाडौँमा आवेदन दिनुपर्नेछ। बोलपत्र कात्तिक २० गते दिउँसो ३ बजे एनआईबिएल एस क्यापिटलमा खोलिने छ ।
वि.सं.२०७७ असोज २ शुक्रवार १२:२२ मा प्रकाशित
