काठमाडौं । नेपालमा आइतवार थप १ हजार ३२५ जनामा कोरोना संक्रमण पुष्टि भएको छ ।
योसँगै नेपालमा कोरोना संक्रमितको संख्या ६४ हजार १२२ पुगेको छ । स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार गत २४ घण्टामा थप १० जनाको कोरोना संक्रमणका कारण मुत्यु भएको छ ।
हालसम्म कोरोना संक्रमणका कारण ४११ जनाको मृत्यु पुष्टि भएको छ । कुल डिस्चार्ज हुनेको संख्या ४६ हजार २३३ पुगेको छ । आइतवार मात्रै थप ९६६ जना डिस्चार्ज भएका छन् ।
हाल क्वारेन्टाइनमा ७ हजार ४५१ जना रहेका छन् ।कुल पीसीआर परीक्षण ९ लाख १४ हजार २६५ संख्या पुगेको छ । हाल भेन्टिलेटरमा ३६ जना संक्रमित रहेका छन् ।
विगत २४ घण्टामा ९ हजार ५८४ ओटा पीसीआर परीक्षण गरिएको छ । मन्त्रालयका अनुसार होम आईसोलेशननमा ८ हजार ७०७ जना रहेका छन् । त्यसैगरी संस्थागत आईसोलेशनमा ९ हजार ७१ जना रहेका छन् ।त्यसैगरी हाल १७ हजार ४७८ जना सक्रिया संक्रमित रहेका छन् ।
प्रवक्ता गौतमले अवदेखि आईसोलेशनको व्यवस्था स्थानिय तहले गर्नुपर्ने बताए । मन्त्रालयका अनुसार नेपालका विभिन्न स्थानमा रहेका ४९ ओटा ल्यावबाट पीसीआर परीक्षण भइरहेको छ ।
काठमाडौं उपत्यकामा एकैदिन ७६७ जनामा कोरोना संक्रमण पुष्टि भएको छ । आइतवार थपिएका संक्रमितमध्ये काठमाडौं जिल्लामा ६०२ जना, ललितपुर जिल्लामा ६४ जना र भक्तपुर जिल्लामा १०१ जना रहेका छन् ।
वि.सं.२०७७ असोज ४ आइतवार १६:४३ मा प्रकाशित