काठमाडौं । नेपाल कम्युनिष्ट पार्टीका अध्यक्षद्वय प्रधानमन्त्री केपी शर्मा ओली र पुष्पकमल दाहालबीच मन्त्रिपरिषद् पुनर्गठनबारे छलफल भएको छ ।
अध्यक्ष्यद्वयबीच आज भएको भेटघाटमा मंगलबार मन्त्रिपरिषद् पुनर्गठन गर्नेबारे छलफल भएको थियो । स्रोतका अनुसार मंगलबार मध्यान्ह बोलाइएको सचिवालय बैठकभन्दा अगाडि नै मन्त्रिपरिषद् पुनर्गठनको तयारी गरिएको छ ।
मन्त्रिपरिषदमा सामेल हुने सदस्यहरुका बारेमा प्रधानमन्त्री र अध्यक्ष दाहालबीच छलफल भएको बालुवाटार स्रोतको दाबी छ । ‘भेटघाटमा प्रचण्ड र ओलीबीच सम्भावित मन्त्रीहरुको बारेमा छलफल भएको छ, तर मन्त्रीहरुको टुङ्गो लगाउने जिम्मेवारी प्रधानमन्त्री ओलीलाई नै दिइएको छ’, स्रोतको दाबी छ ।
वि.सं.२०७७ असोज ५ सोमवार १९:१२ मा प्रकाशित
