शेयर बजार : यी दुई कम्पनीको सर्वाधिक कारोबार, यस्तो छ पछिल्लो अवस्था

काठमाडौं । मंगलवार कारोबारको दोस्रो घण्टामा नेप्से परिसूचक ५ दशमलव ४१ अंकले घटेको छ ।

 

कारोबार शुरु भएदेखि नै ओरालो लागेको बजार कारोबारको यस अवधिमा शून्य दशमलव ३५ प्रतिशत घटेर १ हजार ५५५ दशमलव ४२ विन्दुमा पुगेको छ ।

दोस्रो घण्टाको अवधिमा १८७ ओटा कम्पनीको १४ हजार २१४ पटकको कारोबारमा ३२ लाख ५१ हजार १०३ कित्ता शेयरको रू. ७२ करोड ९३ लाख बराबरको शेयर खरीदविक्री भएको छ ।

यस अवधिसम्म कारोबारमा आएका १२ ओटा समूहको परिसूचकमध्ये वित्त, निर्जीवन बीमा र उत्पादन तथा प्रशोधन समूहको परिसूचक बढेको छ भने बाँकी बैंकिङ, व्यापार, विकास बैंक, होटल्स, जलविद्युत, जीवन बीमा, अन्य, लघुवित्त र म्युचुअल फण्ड समूहको परिसूचक घटेको छ ।

यस अवधिसम्म हिमाल दोलखा हाइड्रोपावरको सर्वाधिक कारोबार भएको छ । उक्त कम्पनीको रू. १० करोड ४६ लाख बराबरको शेयर कारोबार भएको छ । सो अवधिसम्म कम्पनीको शेयरमूल्य रू. ११९ मा कारोबार भइरहेको छ ।

कारोबार रकमकै आधारमा सर्वाधिक कारोबार हुने दोस्रो कम्पनीमा अरुण कावेली पावर रहेको छ । उक्त कम्पनीको प्रतिकित्ता रू. २२१ मा रू. ७ करोड ३१ लाख बराबरको शेयर खरीदविक्री भएको छ ।

२०७७ असोज १३ गते १३:१७ मा प्रकाशित

You can share this post!

यस्ता देशका लागि डब्ल्यूएचओले १२ करोड टेस्ट किट उपलब्ध गराउने

यस्ता देशका लागि डब्ल्यूएचओले १२ करोड टेस्ट किट उपलब्ध गराउने

Related posts