अन्ततः २८ हजार बढी कर्मचारी कटौती गर्ने निर्णय !

काठमाडौं । अमेरिकी थिम पार्क वाल्ट डिज्नीले २८ हजार बढी कर्मचारी कटौती गर्ने भएको छ ।

 

कोरोना भाइरस महामारी र प्रतिबन्धले डिज्नीलाई ठूलो आर्थिक क्षति भएपछि कर्मचारी कटौती गर्नुपरेको कम्पनीले बताएको छ ।

‘पार्कमा कर्मचारी कटौती गर्नु भनेको यहाँको अनुभव र विशेष क्षमता घटाउनु हो। यो निर्णय निकै गार्हो गरी लिएका छौं’, पार्क इकाइका अध्यक्ष जोश डी आमारोले एक विज्ञप्तिमा भनेका छन्।

बिबिसीका अनुसार कटौती हुन लागेका प्राय कर्मचारीहरु अमेरिकामा रहेको पार्कका हुनेछन्। यसमध्ये ६७ प्रतिशत कर्मचारी ‘पार्ट–टाइम’ कर्मचारी छन्। साङघाई, हङकङ, टोक्यो र पेरिसमा रहेको पार्कका कर्मचारीमा कटौती लागू हुँदैन।

जुन २७ सम्म डिज्नीले ४ अर्ब ७० करोडको (४.७ बिलियन डलर) नोक्सान व्यर्होरिसकेको छ। गत वर्षको त्रैमासिक तुलनामा डिज्नीको व्यवसायमा यो वर्ष ८५ प्रतिशतको गिरावट आएको बिबिसीले लेखेको छ।

डिज्नीले महामारी फैलिएसँगै सबै पार्कहरु बन्द गरेको थियो। अहिले पार्क पुनःसंचालन भएपनि सिमित मान्छ मात्रै आउन पाउँनेछन्।

हाल क्यालिफोर्नियामा भएको पार्क बाहेक संसारभरका सबै डिज्नी पार्क पुनःसंचालनमा आइसकेँ। पार्कमा आउनेहरुले सामाजिक दूरीका नियम र सुरक्षा विधिहरु अनिवार्य अपनाउनु पर्ने बताइएको छ।

२०७७ असोज १४ गते १८:०३ मा प्रकाशित

You can share this post!

भोलिदेखि संचालन हुँदैछ सहुलियत पसल : कुन खाद्य वस्तु कति सस्तो ?

भोलिदेखि संचालन हुँदैछ सहुलियत पसल : कुन खाद्य वस्तु कति सस्तो ?

Related posts