काठमाडौं । सानिमा जनरल इन्स्योरेन्सले आगामी असोज २१ गतेदेखि आईपीओ विक्री खुला गर्ने भएको छ ।
कम्पनीले कुल ३० लाख कित्ता आईपीओ निष्काशन गर्न लागेको हो । कुल कित्तामध्ये १ लाख २० हजार कित्ता कम्पनीमा कार्यरत कर्मचारी र १ लाख ५० हजार कित्ता म्युचुअल फण्डहरुका लागि छुटयाइएको छ । बाँकी रहेको २७ लाख ३० हजार कित्ता शेयरका लागि सर्वसाधारणले आवेदन दिन सक्नेछन् ।
लगानीकर्ताले आईपीओमा छिटोमा असोज २५ गते र ढिलोमा कार्तिक ६ गतेसम्म आवेदन दिन सक्नेछन् ।लगानीकर्ताले न्यूनतम १० कित्तादेखि अधिकतम १ हजार कित्तासम्म आवेदन दिन सक्नेछन् ।
विक्री प्रवन्धकमा एनआईसी एशिया क्यापिटल लिमिटेड रहेको छ । इच्छुक लगानीकर्ताहरुले सी–आस्वा सेवा प्राप्त गरेका बैंक तथा वित्तीय संस्थाका साथै मेरो शेयरमार्फत आवेदन दिन सक्नेछन् । नेपाल धितोपत्र बोर्डले कम्पनीलाई गत असोज ५ गते आईपीओ निश्कासन गर्न अनुमति दिएको थियो ।
रू. १ अर्ब जारी पूँजी रहेको उक्त कम्पनीको हाल संस्थापकतर्फको रू. ७० करोड चुक्तापूँजी कायम रहेको छ । हाल कम्पनीको चुक्तापूँजी रू.७० करोड रहेको छ । आईपीओ विक्रीपछि कम्पनीको पूँजी रू.१ अर्ब पुग्नेछ ।
वि.सं.२०७७ असोज १५ बिहीवार १०:३३ मा प्रकाशित