काठमाडौं । सरकारले परराष्ट्र सचिव शंकरदास वैरागीलाई नेपाल सरकारको मुख्य सचिव नियुक्त गर्ने निर्णय गरेको छ ।
बिहीबार बसेको मन्त्रिपरिषद् बैठकले बैरागीलाई मुख्यसचिव बनाउने निर्णय गरेको हो। बिहीबार बिहान मुख्यसचिव लोकदर्शन रेग्मीले राजीनामा दिएका थिए ।
उनको कार्यकाल आउँदो ३ कात्तिकमा सकिँदै थियो। रेग्मीको राजीनामा स्वीकृत गरेपछि बैरागीलाई मुख्यसचिव नियुक्त गर्ने निर्णय भएको बताइएको छ ।
त्यसैगरी, सरकारले पूर्व अर्थमन्त्री युवराज खतिवडालाई अमेरिकाको राजदूतमा नियुक्तिका लागि सिफारिस गर्ने निर्णय गरेको छ। मुख्यसचिवबाट राजीनामा गरेका रेग्मीलाई बेलायतको राजदूतमा नियुक्तिका लागि सिफारिस गरिएको छ।
वि.सं.२०७७ असोज १५ बिहीवार ११:४५ मा प्रकाशित
