काठमाडौं । गण्डकी प्रदेशका आर्थिक मामिला मन्त्री करण गुरुङ र भौतिक योजना मन्त्री रामशरण बस्नेतले बागलुङको ढोरपाटनमा बाढी पहिरोको निरिक्षण गर्नुभएको छ ।
आज मन्त्री गुरुङ र बस्नतेले जिल्लाको बाढी पहिरोले क्षतिग्रस्त ढोरपाटन नगरपालिकाको वडा नं. ७, ८ र ९ को निरिक्षण गर्नुभएको हो । उक्त अवसरमा बाढी प्रभावित बोबाङ वडा अन्तर्गतका स्थानियहरुसंग प्रत्यक्ष भेटघाट गर्नुभयो ।
स्थानियहरुको समस्या बुझी शीघ्र उक्त ठाउँहरुमा केन्द्रिय विद्युत प्रसारण लाईनको सेवा पु¥याउने क्षतविक्षत भएका संरचनाहरुको निर्माणका लागि प्रदेशका तर्फबाट बिशेष प्रकारको सुविधा सम्पन्न सेवा प्रवाहिका लागि कार्यालय स्थापना गर्ने प्रतिवद्धता जनाउनुभयो ।
करिब ३७ जनाले ज्यान गुमाएको, विद्यालय, स्वास्थ्य चौकी, लघु जल विद्युत, पुल र १०० वटा जति घर उक्त घटनाको कारण ध्वस्त भएका छन ।
बुर्तिवाङ बजारमा आयोजित कार्यक्रममा ढोरपाटन नगरपालिकाका प्रमुख, आर्थिक मामिला मन्त्री र भौतिक योजना मन्त्रीले विशेष मन्तब्य राख्नु भएको थियो ।
उक्त अवसरमा प्रभु बैंकका प्रमुख कार्यकारी अधिकृत अशोक शेरचनद्धारा नगरपालिकालाई बाढीपिडित उद्वार कोषमा रहने गरि ५ लाख सहयोग प्रदान गर्नुभएको छ ।
वि.सं.२०७७ असोज १५ बिहीवार १८:४१ मा प्रकाशित