काठमाडौं । नेपालमा पछिल्लो २४ घण्टाको अवधिमा कोरोना संक्रमणबाट थप ११ जनाका ज्यान गएको छ ।
स्वास्थ्य तथा जनसंख्या मन्त्रालयका अनुसार निधन हुनेमा चारजना महिला र सातजना पुरुष रहेका छन् । योसंगै देशभर कोरोना संक्रमणबाट निधन हुनेको संख्या पाँच सय २० पुगेको छ ।
निधन हुनेमा ललितपुरका दुई पुरुष, भक्तपुरका दुई महिला, बाँकेका दुई पुरुष छन् । त्यसैगरी मोरङ, मकवानपुर, रुपन्देहीका एक–एक पुरुषको निधन भएको छ । सुर्खेत र काठमाडौंका एक–एक महिलाको मृत्यु भएको मन्त्रालयले जानकारी दिएको छ ।
वि.सं.२०७७ असोज १६ शुक्रवार १६:३४ मा प्रकाशित