सिन्धुली । निजी तथा आवासीय विद्यालय सङ्गठन (प्याब्सन) मा आबद्ध सिन्धुलीका निजी विद्यालयहरुले ५ महिनाको कुनै पनि शुल्क नलिने भएका छन् ।
निजी तथा आवासीय विद्यालय सङ्गठन (प्याब्सन) सिन्धुलीले आईतवार सिन्धुलीमाढीमा पत्रकार सम्मेलनको आयोजना गरी विश्वभर महामारीको रुपमा फैलिरहेको कोरोना भाईरसका कारण पठन पाठन नभएको ५ महिनाको कुनै पनि शुल्क नलिने घोषणा गरेको हो ।
कोरोना भाइरसका कारण सिर्जित बिषम परिस्थितीलाई ध्यानमा राख्दै प्याब्सन सिन्धुलीमा आबद्ध सबै विद्यालयहरुले २०७७ बैशाख देखि गत भदौं सम्मको कुनै पनि शुल्क नलिने प्याब्सन सिन्धुलीका अध्यक्ष राजेश मास्केले बताउनुभयो ।
‘कोरोना भाईरसको महामारीले गर्दा अन्य क्षेत्र जस्तै शैक्षिक क्षेत्र पनि पुरै संकटमा परेको छ । निजी विद्यालय संचालनक पनि संकटमा छन् भने विद्यार्थी र अभिभावक पनि अन्यौलमै छन् ।
यो महामारीमा हामी विद्यालय संचालन त संकटमै छौ । विद्यार्थी र अभिभावक पनि समस्यामै छन् । संगठनमा आबद्ध सबै विद्यालयहरु बिच छलफल गरेर ५ पढाई हुन नसकेको ५ महिनाको शुल्क नलिने निर्णय गरेका हौं’ अध्यक्ष मास्केले भन्नुभयो ।
कोरोना भाईरसका कारण निजि विद्यालय संचालनकहरु संकटमै रहेपनि निजी विद्यालयहरुले महामारीको विषम परिस्थितीमा समाजीक उत्तरदायित्व बहन पनि बहन गर्नसक्छन भन्ने सन्देश प्रवाह गर्न शुल्क मिनाहा गरिएको अध्यक्ष मास्केको भनाई छ ।
प्याब्सन सिन्धुलीले अहिले बैकल्पिक माध्यमबाट अनलाईन कक्षा, होमवर्क प्याकेज, भचुअल कक्षा र रेडियोबाट पनि पठनपाठनलाई निरन्तर्ता दिएको छ । बैकल्पिक माध्यमबाट भएका पठनपाठनको पनि बैशाख देखि भदौं सम्मको शुल्क नलिईने अध्यक्ष मास्केले बताउनुभयो ।
शिक्षकहरुको पारिश्रमिक नरोकिने
निजी तथा आवासीय विद्यालय सङ्गठन (प्याब्सन) मा आबद्ध सिन्धुलीका निजी विद्यालयहरुका शिक्षकहरुले मासिक तलक (पारिश्रमिक) पाउने भएका छन् ।
पत्रकार सम्मेलनमा प्याब्सन सिन्धुलीका अध्यक्ष मास्केले प्याब्सन सिन्धुलीमा आबद्ध विद्यालयहरुले आफ्नो विद्यालयमा कार्यररत सबै शिक्षकलाई मासिक तलब दिने सहमती भएको जानकारी दिनुभयो ।
प्याब्सनमा आवद्ध सिन्धुलीका अधिकांश बिद्यालयहरुले गत बर्षको चैत सम्मको तलक सबै शिक्षकहरलाई दिईसकेको अध्यक्ष मास्केले बताउनुभयो । यस बर्षको असार सम्मको पनि ४० प्रतिशत भन्दाबढी तलब शिक्षकहरुलाई दिएको अध्यक्ष मास्केको भनाई छ ।‘
अभिभावकसँग शुल्क लिए पनि नलिए पनि हामीले शिक्षकहरुलाई चित्ता बुझाएर तलबको व्यवस्थापन गर्नुपर्छ । कतिपय विद्यालयहरुको आर्थिक अवस्थाले गर्दा तलब दिन केही समस्या होला तर त्यस्ता विद्यालयले पनि शिक्षकहरुको तलब दिनुपर्छ ।
विद्यालयले व्यवस्थापन गर्नुपर्छ भन्ने हाम्रो निर्देशन छ । अहिलेको बिषम परिस्थिती भएकाले अव केही ढिला भने चै हुन सक्छ । महिना मर्ने बित्तिकै नहुन पनि सक्छ तर हिसाब गरेर तलब दिन्छौं’अध्यक्ष मास्केले भन्नुभयो ।
जिल्लाका ४९ ओटा निजी विद्यालय मध्ये ३३ ओटा विद्यालय प्याब्सन सिन्धुलीमा आबद्ध छन् भने करिव २० हजार विद्यार्थी अध्ययरत छन् भने झन्डै ५ सय शिक्षक, कर्मचारीहरु कार्यररत रहेका अध्यक्ष मास्केले बताउनुभयो । एनप्याब्सनमा १६ विद्यालयहरु आबद्ध रहेका छन् ।
वि.सं.२०७७ असोज १८ आइतवार १८:१४ मा प्रकाशित
