काठमाडौं । स्वरोजगार लघुवित्त वित्तीय संस्था र जनकपुर लघुवित्त वित्तीय संस्थाले आगामी असोज २५ गतेदेखि एकीकृत कारोबार शुरु गर्ने भएका छन् ।
जनकपुर लघुवित्तलाई प्राप्तिपश्चात स्वरोजगार लघुवित्त वित्तीय संस्था लिमिटेडको नामबाट एकीकृत कारोबार हुनेछ । हाल स्वरोजगारको केन्द्रीय कार्यालय बनेपा– ५ काभ्रेपलाञ्चोकमा रहेको छ ।
स्वरोजगार लघुवित्त वित्तीय संस्था धितोपत्र बजारमा सूचीकृत कम्पनी हो भने जनकपुर लघुवित्त हालसम्म सूचीकृत भएको छैन ।
स्वरोजगार लघुवित्तको चुक्तापूँजी रू. ३४ करोड १६ लाख रहेको छ भने जनकपुर लघुवित्तको रू. ३ करोड ४७ लाख ५० हजार रहेको छ ।
वि.सं.२०७७ असोज २० मंगलवार ११:४५ मा प्रकाशित