काठमाडौं । नेपालमा पछिल्लो २४ घण्टामा अहिलेसम्मकै बढी ५ हजार ८ जनामा कोरोना भाइरस संक्रमण पुष्टि भएको छ ।
योसँगै नेपालमा कोरोना संक्रमितको संख्या एक लाख ५ हजार ६८४ पुगेको छ । मन्त्रालयका सोही अवधिमा एक हजार २२९ संक्रमित निको भएर घर फर्किएका छन् ।
यस्तै काठमाडौं उपत्यकामा २ हजार ६७२ जना कोरोना भाइरस संक्रमित थपिएका छन् । काठमाडौंमा २ हजार १००, भक्तपुरमा २०३ र ललितपुरमा ३६९ गरी २ हजार ६७२ जनामा संक्रमण पुष्टि भएको हो।
हाल नेपालमा ३० हजार ८१८ सक्रिय संक्रमितको संख्या रहेको छ । ७४ हजार २५२ संक्रमित निको भएर डिस्चार्ज भएका मन्त्रालयले जनाएको छ ।
वि.सं.२०७७ असोज २४ शनिवार १६:२३ मा प्रकाशित