७० लाख नाघ्यो भारतमा कोरोना संक्रमितको संख्या

नयाँ दिल्ली । भारतमा आइतवार कोरोना भाइरस संक्रमितको संख्या ७० लाख नाघेको छ । साथै कोरोना संक्रमणको कारण ज्यान गुमाउने व्यक्तिको संख्या १ लाख ८ हजार ३३४ पुगेको यहाँको स्वास्थ्य मन्त्रालयले बताएको छ ।

भारतमा गत २४ घण्टामा ७४ हजार ३८३ जनामा थप संक्रमण देखिएको र कोरोना संक्रमणको कारण ९१८ जनाको मृत्यु भएको छ । गत १३ दिन अर्थात सेप्टेम्बर १८ बाट अक्टोबर २८ सम्म कोभिड– १९ संक्रमितको संख्या १० लाख बढेको पनि समाचारमा बताइएको छ ।

अझै पनि भारतभरी ८ लाख ६७ हजार ४६९ व्यक्ति संक्रिय संक्रमित रहेका छन् । कोरोनाको संक्रमण देखा परेयता हालसम्म ६० लाख ७७ हजार ९७६ संक्रमित व्यक्तिहरु कोरोना भाइरस मुक्त भएका छन् ।

कोरोनाको संक्रमण देखा परेयता भारतमा ८ करोड ६८ लाख ७७ हजार २४२ व्यक्तिलाई कोरोना भाइरस भएको या नभएको परीक्षण गरिएको भारतीय मेडिकल रिसर्च काउन्सिल (आईसीएमआर) ले जानकारी दिएको छ ।

शनिवार एकै दिनमा पनि १० लाख ७८ हजार ५४४ जनाको कोरोना भाइरस संक्रमण परीक्षण गरिएको पनि आईसीएमआरले जानकारी दिएको छ । रासस/सिन्ह्वा

२०७७ असोज २५ गते १३:५० मा प्रकाशित

You can share this post!

जनतालाई प्रत्यक्ष लाभ पुग्ने पूर्वाधार तयार गर्न मुख्यमन्त्री पौडेलको आग्रह

जनतालाई प्रत्यक्ष लाभ पुग्ने पूर्वाधार तयार गर्न मुख्यमन्त्री पौडेलको आग्रह

Related posts