काठमाडौं । आज सानिमा जनरल इन्स्योरन्सको आईपीओ बाँडफाँट हुने भएको छ ।
कम्पनीको आईपीओको हिजो प्रि–अलोटमेण्ट भएसँगै आज बाँडफाँट गर्ने गयारी रहेको विक्री प्रबन्धक एनआईसी एशिया क्यापिटलले जनाएको हो ।
क्यापिटलले आज विहान ८ः३० बजे कम्पनीको आईपीओ बाँडफाँट हुने जनाएको छ । यस अघि कम्पनीले असोज २१ देखि २५ गतेसम्म सर्वसाधारणका लागि ३० लाख कित्ता आईपीओ बिक्री खुला गरेको थियो ।
कम्पनीले सर्वसाधारणका लागि छुट्याएको ३० लाख कित्तामध्ये १ लाख २० हजार कित्ता कम्पनीका कर्मचारीहरुका लागि र १ लाख ५० हजार कित्ता सामुहिक लगानी कोषका लागि छुट्याएर बाँकी २७ लाख ३० हजार कित्ता सार्वजनिक निष्कासन मार्फत विक्री गरेको थियो ।
उक्त कम्पनीको आईपीओ खरीदका लागि ८ लाख ८३ हजार ६२३ जना आवेदकबाट १ करोड ९० लाख १२ हजार ३४० कित्ताको लागि आवेदन परेको छ । जुन मागभन्दा ६ दशमलव ९६ गुणा बढी हुन आउँछ ।
माग भन्दा धेरै आवेदन परेकाले कम्पनीको आईपीओबाट २ लाख ७३ हजार जनाले मात्रै १०–१० कित्ता शेयर पाउनेछन् ।
वि.सं.२०७७ असोज ३० शुक्रवार ०७:२४ मा प्रकाशित