काठमाडौं । सानिमा जनरल इन्स्योरेन्सले सर्वसाधारणका लागि जारी गरेको आईपीओ शुक्रवार बाँडफाँड गरेको छ ।
शेयर निष्काशन तथा विक्री प्रबन्धक एनआईसी एशिया क्यापिटलको कार्यालयमा विहान भएको बाँडफाँडमा २ लाख ७३ हजार जना आवेदकले गोलाप्रथाबाट १० कित्ताको दरले शेयर हात पारेका छन् । ५ लाख ९० हजार ५८५ जना आवेदकको हात खालि भएको छ ।
कम्पनीको आईपीओमा ८ लाख ६६ हजार ९०५ जना आवेदकले १ करोड ८५ लाख ९१ हजार ५२० कित्ता खरीदको लागि आवेदन दिएका थिए । विक्री प्रबन्धकका अनुसार ३ हजार ३६० जनाको आवेदन भने रद्द भएको छ ।
वि.सं.२०७७ असोज ३० शुक्रवार ०९:२३ मा प्रकाशित