काठमाडौं । मेगा बैंक नेपालले लिलामी विक्री गरेको शेयरको प्रारम्भिक कट अफ प्राइस सार्वजानिक भएको छ ।
२९ असोजमा खुलेको बोलकबोलमा संस्थापक शेयरको प्रारम्भिक कटअफ मूल्य १०८ रुपैयाँ कायम भएको छ भने सर्वसाधारण शेयरको प्रारम्भिक कट अफ मूल्य २१२ रूपैयाँ कायम भएको बिक्री प्रबन्धक मेगा क्यापिटलले बताएको छ ।
रद्द हुने आवेदनको तथ्यांक भने अझै रुजु भईसकेको छैन। सबै तथ्यांक रुजु भएपछि मात्रै लिलामी शेयरको अन्तिम कट अफ प्राइस निर्धारण हुने क्यापिटलले उल्लेख गरेको छ ।
बैंकले २०७४ भदौ २७ गतेदेखि कार्तिक १४ गतेसम्म बिक्री खुल्ला गरेको हकप्रद शेयरमा सबै शेयर बिक्री हुन नसकेको शेयर असोज ११ गतेदेखि १८ गतेसम्म लिलामी बिक्री खुला गरेको थियो ।
२९ असोजमा दोस्रो बजारमा मेगा बैंकको साधारण शेयर प्रतिकित्ता २३० रुपैंयामा र संस्थापक शेयर १२६ रुपैयाँ अन्तिम कारोबार भएको थियो ।
वि.सं.२०७७ असोज ३० शुक्रवार १३:३१ मा प्रकाशित
