नेपाल उद्योग वाणिज्य महासंघले सार्वजनिक गर्‍यो अलग–अलग स्थानबाट निर्वाचन गर्ने तालिका

काठमाडौं । नेपाल उद्योग वाणिज्य महासंघले ५४ औं वार्षिक साधारण सभाका लागि काठमाडौंका तीन अलग– अलग स्थानमा निर्वाचनका कार्यक्रमहरु गर्ने भएको छ ।

महासंघको आगामी मंसिर ११ र १२ गते वार्षिक साधारण सभा तथा १३ गते निर्वाचन कार्यक्रम गर्ने पूर्वनिर्धारित कार्यक्रम रहेको छ ।

महासंघले बुधवार सार्वजनिक गरेको तालिका अनुसार महासंघको कार्यालय टेकु, राष्ट्रिय प्रज्ञा प्रतिष्ठान कमलादी र कार्की व्याङकेट बबरमहलमा निर्वाचनका कार्यक्रम गरिने उल्लेख छ ।

यो वर्ष कोरोना संक्रमणका कारण सरकारले लागू गरेको स्वास्थ्य मापदण्डलाई आधार मानी अलग– अलग स्थानमा निर्वाचनका कार्यक्रम तय गरिएको महासंघले बताएको छ।

तीन सदस्यीय निर्वाचन समितिको मुख्य निर्वाचन अधिकृतमा उपेन्द्रकेशरी न्यौपाने रहेका छन् भने अन्य निर्वाचन अधिकृतमा रमणकुमार कर्ण तथा लिलामणी पौडेल रहेका छन् ।

महासंघका अनुसार उम्मेद्वारहरुले विभिन्न पदका लागि मनोनयन पत्र दाखिला बुधवार देखिनै गर्न सक्नेछन् भने मनोनयन पत्रको आधारमा उम्मेद्वारहरुको पहिलो नामावली मंंसिर चार गते प्रकाशित हुनेछ।

त्यसैगरी उमेदवारहरुको अन्तिम नामावली मंसिर ८ गते प्रकाशन हुने छ । निर्वाचनका लागि भोटिङ भने मंसिर १३ गते विहान ८ बजेदेखि दिउँसो चार बजेसम्म हुनेछ। मतगणना पनि निर्वाचन सकिए लगत्तै शुरु हुने सूचनामा उल्लेख छ । -आर्थिक अभियानबाट

२०७७ कार्तिक ५ गते १०:१० मा प्रकाशित

You can share this post!

तीन महिनामा ११ अर्ब रुपैयाँ भन्दा बढीको मोबाइल फोन आयात

तीन महिनामा ११ अर्ब रुपैयाँ भन्दा बढीको मोबाइल फोन आयात

Related posts