दुर्घटनामा ज्यान गुमाएका कर्मचारीको परिवारलाई आर्थिक सहयोग

मकवानपुर । मोटरसाईकल दुर्घटनामा परि ज्यान गुमाएका भुकम्प पुननिर्माण प्राधिकरण जिल्ला आयोजना कायान्वयन ईकाई (भवन) मकवानपुरमा कार्यरत कर्मचारीको परिवारलाई कार्यालयका कर्मचारीहरुका तर्फबाट आर्थिक सहयोग गरिएको छ । भुकम्प पुनर्निमाण सम्बन्धी तीनवटै कार्यालय (भवन,शिक्षा र अनुदान) मा कार्यरत अन्य कर्मचारीहरुले संकलन गर्नुभएको ३ लाख १३ हजार ३७६ रुपैयाँ रकम आज एक कार्यक्रमकाबीच परिवारलाई हस्तान्तरण गरिएको हो ।

आज एक कार्यक्रमकाबीच जिल्ला समन्वय समिति मकवानपुरका प्रमुखसहित जिल्ला आयोजना कायान्वयन ईकाई (भवन) का कर्मचारीहरु स्वर्गीय अधिकारीको चितवन स्थित घरमै पुगेर परिवारलाई सहयोग रकम हस्तान्तरण गर्नुभएको छ । जिसस प्रमुख खुलालसहितको टोलीले अधिकारीको आमा सिता अधिकारीलाई ३ लाख १३ हजार ३७६ रुपैयाँ बराबरको चेक रकम हस्तानतरण गर्नुभएको हो । सो अवसरमा उहाँले स्वर्गीय अधिकारीको परिवारजनमा समवेदना व्यक्त गर्नुभयो ।

२०७३ साल जेठ १३ गते भवन कार्यालयमा नियुक्त भएर जिल्लाको बकैया गाउँपालिकामा कार्य गर्दै आउनुभएका अधिकारीलाई कोरोना संक्रमण भई चितवन स्थित घर जाने क्रममा गत असोज ३ गते मनहरीमा मोटरसाईकल दुर्घटनामा परि ज्यान गएको थियो । सव ईन्जिनियर स्वर्गीय अधिकारीको परिवारलाई आज कार्यालयका कर्मचारीहरुको एकदिन बराबरको तलब रकम संकलन गरेर सहयोग गरिएको हो ।

पीडाको समयमा सहयोग रकम पर्याप्त नभएपनि परिवारजनलाई सहानुभूति मिलोस् भन्ने उद्देश्यले सहयोग गरिएको भुकम्प पुननिर्माण प्राधिकरण जिल्ला आयोजना कायान्वयन ईकाई (भवन) का प्रमुख तुलसिराम खर्बुजाले बताउनुभयो । कार्यक्रममा जिल्ला समन्वय समिति मकवानपुरका सदस्य देवराज रिमाल, भुकम्प पुननिर्माण प्राधिकरण जिल्ला आयोजना कायान्वयन ईकाई (भवन) का प्रशासन प्रमुख विष्णु प्रसाद अर्याल, लेखापाल दिपक गजुरेल, ईन्जिनियर रविन पाठकलगायतको उपस्थिती थियो ।

२०७७ कार्तिक २७ गते १८:१२ मा प्रकाशित

You can share this post!

भूमी आयोगले थाल्यो काम, मापदण्ड कसिलो बनाएर काम गर्नु : मन्त्री अर्याल

भूमी आयोगले थाल्यो काम, मापदण्ड कसिलो बनाएर काम गर्नु : मन्त्री अर्याल

Related posts