सिभिल बैंकको दशौं वार्षिकोत्सव यसरी मनाईयो

काठमाठडौं । नेपाल राष्ट्र बैंकबाट क वर्गको अनुमति प्राप्त गरी २०६७ मंसिर १० गते देखि कारोबार संचालन गर्दै आईरहेको सिभिल बैंक आज दश वर्ष पुरा गरी एघार वर्षमा प्रवेश गरेकोछ । सबैले आफ्नो जिम्मेवारी निर्वाह गरेमा उत्कृष्ठ समाजको निर्माण गर्न सकिने विश्वासका साथ वार्षिकोत्सवको अवसरमा बैंकले आफ्नो संस्थागत सामाजिक उत्तरदायित्वको लागि एक नयाँ नारा “म एक जिम्मेवार सिभिलियन” सहित हाल बिश्वब्यापी रुपमा फैलिरहेको कोरोना भाइरस संक्रमणको महामारीलाई ध्यानमा राख्दै संस्थागत सामाजिक उत्तरदायित्वका कार्यक्रमहरुको आयोजना गरी दशौंं वार्षिकोत्सव मनाएको छ ।

सामाजिक उत्तरदायित्वका कार्यक्रमहरु :

  •  कोरोना संक्रमणको उपचारार्थ आवश्यक पर्ने प्लाज्मा दान गर्न बैंकका कोरोना संक्रमण भई निको भएका कर्मचारीहरुबाट प्रतिवद्धता

  •  बैंकले “हाम्रो टिम नेपाल” संग सहकार्य गरीे कोरोना महामारीको कारण रोजगारी गुमाएकाहरुका लागि टुंडिखेलमा निःशुल्क १० छाक भोजन प्रवन्धको प्रायोजना

  •  बैंकले मातातिर्थ स्थित रहेको मातातिर्थ बृद्धाश्रममा आश्रृत बृद्धबृद्धाहरुका लागि ३ महिनालाई पुग्ने चामल सो बृद्धाश्रमका अध्यक्ष हरि खड्कालाई हस्तान्तरण

दशौंं वार्षिकोत्सवको उपलक्ष्यमा आयोजित वेविनार कार्यक्रममा बैंकका प्रमुख कार्यकारी अधिकृत गोविन्द गुरुङले बैंकले विगत १० वर्षमा हासिल गरेको उपलब्धीहरु प्रस्तुत गर्नुभएको थियो । बैंक संचालक समितिका अध्यक्ष ई.ईच्छाराज तामाङले सो उपलब्धीहरु हासिल गर्न सहयोग गर्ने ग्राहक, नियमनकारी निकाय, पत्रकार, शेयरधनी तथा प्रबद्र्धक तथा अन्य सम्पूर्ण शुभचिन्तकहरु प्रति धन्यवाद सहित कृतज्ञता ज्ञापन गर्नु भएको थियो ।

२०७७ मंशिर १० गते २१:३९ मा प्रकाशित

You can share this post!

गोकर्णमणि दुवाडी नेपाल सरकारको सचिव पदमा पदोन्नति

गोकर्णमणि दुवाडी नेपाल सरकारको सचिव पदमा पदोन्नति

Related posts