अमेरिकामा कोरोना संक्रमणको नयाँ रेकर्ड, एकै दिन थपिए २ लाख ३० हजार संक्रमित

वासिङटन डीसी (अमेरिका) । अमेरिकामा कोरोना भाइरस संक्रमणको नयाँ रेकर्ड कायम भएको छ ।

संयुक्त राज्य अमेरिकाले लगातार तेस्रो दिन पनि गत २४ घण्टामा कोरोना भाइरसबाट २ लाख ३० हजार थप व्यक्ति संक्रमित भएका जोन्स हप्किङ्स विश्वविद्यालयले जानकारी दिएको छ ।

त्यसगरी गत २४ घण्टामा कोरोना भाइरस संक्रमणबाट २ हजार ५२७ जनाको मृत्यु भएको बाल्टिमोरआवद्ध विश्वविद्यालयले शनिवार राती ८ बजे जानकारी दिएको छ । कोरोना भाइरसको कारण अमेरिका सबैभन्दा बढी प्रभावित भएको छ ।

अमेरिका गत दुई हप्तादेखि लगातार प्रत्येक दिन कोरोना भाइरस संक्रमणको कारण २ हजारभन्दा बढी व्यक्तिको मृत्यु भईरहेको जानकारी दिइएको छ ।

अमेरिकामा कोरोना भाइरस शुरु भएदेखि हालसम्म १ करोड ४६ लाख व्यक्ति कोरोना भाइरस संक्रमित भएका छन् भने यस संक्रमणबाट २ लाख ८१ हजार व्यक्तिको मृत्यु भइसेकेको छ । रासस/एएफपी

२०७७ मंशिर २१ गते १९:०२ मा प्रकाशित

You can share this post!

एक वर्ष थपियो पुनर्निर्माण प्राधिकरणको कार्य अवधि

एक वर्ष थपियो पुनर्निर्माण प्राधिकरणको कार्य अवधि

Related posts