काठमाडौं । नेपाल बैंक सहित आठ ओटा कम्पनीको लाभांश सुरक्षित गर्ने अन्तिम दिन बुधवारसम्म रहेको छ ।
नेपाल बैंक,बरुण हाइड्रोपावर कम्पनी,साना किसान लघुवित्त, साधना लघुवित्त वित्तीय संस्था, सेञ्चुरी कमर्सियल बैंक,शाइन रेसुङ्गा डेभलपमेण्ट बैंक,कामना सेवा विकास बैंक र एनएमबि बैंकको लाभांश सुरक्षित गर्ने अन्तिम दिन बुधवार हो ।
ती आठ ओटै कम्पनीले लाभांश प्रयोजन र साधारण सभा प्रयोजनको लागि पुस १६ गते बुक क्लोज गरेसँगै पुस १५ गतेसम्म शेयर कायम गर्नुपर्ने हुन्छ ।
नेपाल बैंकले गत आवको मुनाफबाट शेयरधनीलाई १२ प्रतिशत बोनस शेयर र ४ प्रतिशत बोनस शेयर, एनएमबि बैंकले १३ प्रतिशत बोनस शेयर र ३ दशमलव २० प्रतिशत नगद लाभांश, कामना सेवा विकास बैंकले ४ दशमलव ४० प्रतिशत बोनस शेयर र शून्य दशमलव २३ प्रतिशत नगद लाभांश, शाइन रेसुङ्गा डेभलपमेण्ट बैंकले १३ प्रतिशत बोनस शेयर, सेञ्चुरी कमर्सियल बैंकले ५ दशमलव २५ प्रतिशत बोनस शेयर र २ दशमलव २५ प्रतिशत नगद लाभांश वितरण गर्ने प्रस्ताव गरेका हुन् ।
त्यसैगरी साधना लघुवित्त वित्तीय संस्थाले १८ प्रतिशत बोनस शेयर र शून्य दशमलव ९४ प्रतिशत नगद लाभांश, साना किसान लघुवित्तले २५ प्रतिशत बोनस शेयर र १ दशमलव ३१५ प्रतिशत नगद लाभांश र बरुण हाइड्रोपावर कम्पनीले ५ प्रतिशत बोनस शेयर र शून्य दशमलव २६ प्रतिशत नगद लाभांश कर प्रयोजनको लागि वितरण गर्ने प्रस्ताव गरेका हुन् ।
लाभांश पारित गर्नका लागि बरुण हाइड्रोपावर कम्पनीले पुस २६ गते साधारण सभा आयोजना गरेको छ । त्यसैगरी साना किसान लघुवित्तले पुस २८ र बाँकी कम्पनीले पुस २९ मा साधारण सभा आयोजना गर्न लागेका हुन् ।
वि.सं.२०७७ पुस १४ मंगलवार १५:५९ मा प्रकाशित