काठमाडौं । नयाँवर्षको अवसर पारेर युवाहरुलाई लक्षित गर्दै दया फाउन्डेसनले ’युथम्युजिक कन्टेस्ट २०२१’ नामक साङ्गितीक प्रतिस्प्रधात्मक कार्यक्रमको आयोजन गर्ने भएको छ । कार्यक्रमको प्रायोजन सिभिल बैंक लिमिटेडले गर्न लागेको हो ।
प्रतियोगितामा प्रथम हुनेले २५ हजार, दोश्रो हुनेले १५ हजार र १० हजार पुरस्कार पाउँने छन् । प्रतियोगितामा १५ वर्ष देखी २८ वर्षसम्मका युवाहरुले सहभागी हुन पाउनेछन् ।
इच्छुक प्रतियोगीहरूले अधिकतम ५ मिनेट सम्मको गीत गाएर ’युथम्युजिक कन्टेस्ट २०२१’ फेसबुक ग्रुपमा अपलोड गर्नुपर्नेछ ।
प्रतिस्पर्धीले कुनै पनिभाषाको गीत गाउन सक्ने भए पनि नेपालको विभिन्न मौलिक भाषामा गाइएको गीतलाई प्राथमिकता दिइने बताइएको छ ।
नयाँ प्रतिभावान युवा गायक तथा गायिकाहरुलाई प्रोत्साहन गर्न प्रतियोगिता आयोजना गरिएकोले नवप्रतिभाहरुलाई बिशेष प्राथमिकताका साथ सहभागिताका लागि आव्हान पनि गरिएको छ ।
पहिलो चरणको गीत जनवरी १२ तारिकसम्ममा अपलोड गरि सक्नु पर्ने छ । जनवरी १५ तारिकमा कुल २१ प्रतिस्पर्धीहरुको छनौट गरिनेछ । ती २१ प्रातिस्पर्धीहरुले दोस्रो चरणको गीत जनवरी १८ तारिकसम्म अपलोड गरिसक्नुपर्ने छ।
अन्तिम चरणमा ’युथम्युजिक कन्टेस्ट २०२१’ का विजेताहरूको घोषणा ७० प्रतिशत फेसबुक ग्रुपमार्फत प्राप्त लाईकको आधारमा र ३० प्रतिशत निर्णायक मण्डलद्वारा प्रदान गरिएको अंकको आधारमा गरिनेछ ।
कोरोनाको कारण युवाहरु माझ भएको मानसिक तनाबलाई न्यूनिकरणका लागि कार्यक्रमको आयोजना गरिएको बताइएको छ ।
वि.सं.२०७७ पुस १६ बिहीवार १७:३७ मा प्रकाशित