काठमाडौं । एनआईसी एशिया बैंकको बोनस शेयर नेप्सेमा सुचीकृत भएको छ ।
बैंकले आर्थिक वर्ष २०७६/७७ को मुनाफाबाट वितरण गरेको १ करोड ८४ लाख ६३ हजार ५३३ दशमलव ९८ कित्ता अर्थात १९ प्रतिशत बोनस सूचीकृत गराएको हो ।
बोनस सूचीकृत भएसँगै उक्त बोनस धितोपत्रको दोस्रो बजारमा माघ ५ गते देखि खरीद बिक्रीमा आउने बैंकले जनाएको छ । बैंकको मंसिर २१ गते सम्पन्न २३ औँ साधारण सभाले सञ्चालक समितिले आ।व। २०७६/७७ बाट प्रस्ताव गरेको १९ प्रतिशत बोनस शेयर तथा १ प्रतिशत नगद लाभांश गरी कुल २० प्रतिशत लाभांश वितरण गर्ने प्रस्ताव पारित गरेको थियो ।
साधारण सभा र लाभांश वितरण प्रयोजनका लागि बैंकले मंसिर १० गते बुकक्लोज गरेको थियोे । यसअनुसार बुकक्लोज मितिको अघिल्लो दिन नेप्सेमा शेयर कारोबार भई कायम रहेका शेयरधनीले उक्त बोनस शेयर पाउनेछन् ।
वि.सं.२०७७ माघ ४ आइतवार १६:५९ मा प्रकाशित
