काठमाडौं । नेपाल आयल निगमले पेट्रोलियम पद्धार्थको मूलय बढाएको छ । सोमवार रातिदेखि लागू हुनेगरि निगमले पेट्रोल, डिजेल तथा मट्टीतेलको भाउ बढाएको हो ।
समायोजित मूल्य अनुसार अब पेट्रोल प्रतिलिटर ११० रुपैयाँ, डिजेल र मट्टीतेल प्रतिलिटर ९३ रुपैयाँ कायम हुनेछ । निगमका अनुसार पेट्रोल डिजेल र मट्टीतेलमा प्रतिलिटर दुई रुपैयाँका दरले भाउ बढाइएको हो ।
मूल्य समायोजनपछि पनि पेट्रोलमा ५ रुपैयाँ ३४ पैसा, डिजेलमा दुई रुपैयाँ ९६ पैसा प्रतिलिटर घाटा रहेको निगमले जनाएको छ । एलपी ग्यासमा प्रतिसिलिन्डर १३४ रुपैयाँ ७२ पैसा घाटा रहेको जनाइएको छ ।
वि.सं.२०७७ माघ ६ मंगलवार ०९:२१ मा प्रकाशित