काठमाडौं । सनराइज बैंकले चालू आर्थिक वर्षको दोस्रो त्रैमासको वित्तीय विवरण बुधवार सार्वजनिक गरेको छ ।
उक्त विवतरण अनुसार कम्पनीको खुद नाफा रू. ९४ करोड ९४ लाख १२ हजार रहेको छ । गत वर्षभन्दा यस वर्ष बैंकको नाफा शून्य दशमलव ५३ प्रतिशतले बढेको हो । गत वर्ष बैंकले रू. ९४ करोड ४३ लाख ८८ हजार खुद नाफा गरेको थियो ।
यो अवधिसम्म कम्पनीको वितरणयोग्य नाफा रू. २१ करोड ३३ लाख ८९ हजार रहेको छ । कम्पनीको सञ्चालन मुनाफा भने गत वर्षभन्दा शून्य दशमलव ८३ प्रतिशत बढेको छ । गत वर्ष रू. १ अर्ब ३४ करोड ५१ लाख ५० हजार सञ्चालन नाफा गरेको कम्पनीले यस वर्ष रू. १ अर्ब ३५ करोड ६३ लाख ३ हजार यो नाफा गरेको छ ।
५ दशमलव ८० प्रतिशत बोनस शेयर पछि कम्पनीको चुक्तापूँजी रू. ९ अर्ब ४८ करोड ७९ लाख ४४ हजार पुगेको छ । कम्पनीको जगेडा कोष रकम गत वर्षभन्दा ६ प्रतिशत बढेर रू. १४ अर्ब २० करोड ९ लाख ३६ हजार कायम भएको छ ।
यस वर्ष कम्पनीले गत वर्षभन्दा २ दशमलव ४२ प्रतिशत बढी रू. ९२ अर्ब ४० करोड ७५ लाख ७७ हजार निक्षेप संकलन गरेको छ भने गत वर्षभन्दा १ प्रतिशत बढी रू. ८६ अर्ब ९६ करोड ७४ लाख ३३ हजार कर्जा प्रवाह गरेको छ ।
यस कम्पनीको निष्क्रिय कर्जा अनुपात गतवर्षभन्दा घटेको छ । गत वर्ष १ दशमलव ६९ प्रतिशत रहेको निष्क्रिय कर्जा अनुपात यस वर्ष १ दशमलव शून्य ६ प्रतिशतमा झरेको हो । कम्पनीको प्रतिशेयर आम्दानी रू. २० दशमलव शून्य १ र प्रतिशेयर नेटवर्थ रू. १४९ दशमलव ६७ रहेको छ ।
वि.सं.२०७७ माघ १४ बुधवार ११:३७ मा प्रकाशित