काठमाडौं । भोलि (सोमबार) नेपाल राष्ट्र बैंकले रू. ५ अर्ब १० करोड बराबरको ’ट्रेजरी बिल’ बिक्री गर्ने भएको छ । राष्ट्र बैंकले बोलकबोलबाट उक्त ट्रेजरी बिल बिक्री गर्न लागेको हो ।
भोली ३ बजे बोलकबोल भएर मंगलबार ट्रेजरी बिल इस्यु हुने बताइएको छ । राष्ट्र बैंकले ९१ दिनका लागि १० करोड र ३६४ दिनका लागि ५ अर्ब बराबरका ट्रेजरी बिल बिक्री गर्न लागेको हो ।
यसमा गैर प्रतिस्पर्धी बोलकबोलकर्ताहरुका लागि १५ प्रतिशत छुट दिइने राष्ट्र बैंकको भनाइ छ । सरकार वा राष्ट्र बैंकले आन्तरीक ऋण उठाउन प्रयोग गरिने एक प्रकारको ऋणपत्रलाई ट्रेजरी बिल भनिन्छ ।
वि.सं.२०७७ माघ २५ आइतवार १३:१९ मा प्रकाशित
