काठमाडौं । नेपाल नागरिक उड्डयन प्राधिकरणले हाल सञ्चालनमा नरहेका ११ एयरलायन्सहरुलाई कम्पनीलाई साढे ९ करोड भन्दा बढी बक्यौता तिर्न निर्देशन दिएको छ । एक महिना भित्र ११ कम्पनीलाई ९ करोड ७८ लाख ७४ हजार ३३० रुपैयाँ तिर्न निर्देशन दिएको हो ।
एक महिना भित्रमा उक्त बक्यौता नतिरेको खण्डमा प्राधिकरण विमानस्थल सेवा शुल्क नियमावली २०६७ को नियम ३० को उपनियम (३) बमोजिम भविष्यमा हवाई सेवा, विमानस्थल तथा प्राधिकरसँग सम्बद्ध कुन किसिमको काम कारबाही तथा व्यापार व्यवसायमा सहभागी हुन नपाउने गरी कालो सूचीमा राख्ने प्राधिकरणले जनाएको छ ।
यस्तै उक्त समयमा वक्यौता नतिरेको खण्डमा सञ्चालक, निजको एकाघरका परिवारको एंव जमानीमा बस्नेको जायजेथाबाट सरकारी बाँकी सरह असूल उपर गरिने समेत प्राधिकरणको भनाइ छ ।
प्राधिकरणका अनुसार पटक पटक ताकेता गर्दा पनि शुल्क नबुझाउने कम्पनीह?मा नेकोन एयर, शिवानी एयर, अल्पाइन एयर, गोरखा एयर, कर्णाली एयर, माउन्टेन एयर, कस्मिक एयर, सांग्रीला एयर, स्काइलाइन एयरवेज, एयर काष्ठमण्डप र नेपाल एयरवेज रहेका छन् ।
वि.सं.२०७७ माघ २६ सोमवार ११:१४ मा प्रकाशित