काठमाडौं । नेपाल स्टक एक्सचेन्ज (नेप्से)ले गुँरास लाईफ इन्स्योरेन्स कम्पनीको सेयर कारोबार रोक्का गरेको छ । नेप्सेका अनुसार समयमा बार्षिक प्रतिवेदन पेश नगर्ने भन्दै कम्पनीको सेयर कारोबार रोक्का भएको हो ।
कम्पनीहरुले आर्थिक वर्ष २०७५/०७६ को बार्षिक प्रतिवेदन धितोपत्र बोर्डमा पेश नगरेको कारण कारोबार रोक्का भएको हो । धितोपत्र दर्ता तथा निष्काशन नियमावली २०७३ को नियम २६ को उप नियम (२) बमोजिम बोर्डमा पेश गर्नुपर्ने बार्षिक प्रतिवेदन लगायतका वित्तीय विवरण र धितोपत्र सूचीकृत विनियमावली २०७५ को विनियम २२ (१) मा भएको व्यवस्था बमोजिम नेप्सेमा पेश गरेको नपाइएको भन्दै कारोबार रोक्का भएको हो ।
साथै धितोपत्र सूचीकरण विनियमावली २०७५ को विनियम १६ (१) मा भएको व्यवस्था अनुसार माघ २५ गरेको निर्णयले दोस्रो बजारमा कारोबार नहुनेगरी कारोबार रोक्का भएको छ ।
वि.सं.२०७७ माघ २६ सोमवार १६:३७ मा प्रकाशित
