काठमाडौं । शिवम् सिमेन्टले चालु आर्थिक वर्षको दोस्रो त्रैमासमा ५८ करोड ९६ लाख ७२ हजार रुपैयाँ नाफा आर्जन गरेको छ । जुन गत आवको सोही अवधिको तुलनामा १६.१३ प्रतिशतले बढी हो ।
गत आवको सोही अवधिमा कम्पनीको नाफा ५० करोड ७७ लाख ५१ हजार रुपैयाँ रहेको थियोे । चालु आवको ६ महिनामा कम्पनीले सिमेन्ट बिक्रीबाट ४ अर्ब २५ करोड ५९ लाख ९२ हजार रुपैयाँ आर्जन गरेको छ । जुन गत आवको सोही अवधिमा ४ अर्ब ६९ करोड ५६लाख १ हजार रुपैयाँ रहेको थियो ।
सिमेन्ट बिक्री कम भएपनि अन्य आम्दानी भने बढेर ३ करोड ४८ लाख ४८ हजार रुपैयाँ पुगेको छ । जुन गत आवको सोही अवधिमा १ करोड ३१ लाख ३५ हजार रुपैयाँ रहेको थियो । ४ अर्ब ४० करोड रुपैयाँ चुक्ता पुँजी रहेको छ । प्रतिसेयर आम्दानी २६ रुपैयाँ ८० पैसा रहेको कम्पनीको प्रतिसेयर नेटवर्थ २०३ रुपैयाँ ८३ पैसा छ । – प्रशिक्षार्थी पत्रकार
वि.सं.२०७७ माघ २७ मंगलवार १२:१० मा प्रकाशित
